Algjörlega óþörf post-mortem viðbót við ritsafn meistara Kapuscinski. Lítið kver upp á sirka 80 síður sem inniheldur það sem helst líkist uppskrift af nokkrum fyrirlestrum sem Kapuscinski hélt hér og þar um efnið ,,The Other” eða ,,Hinn” (eða hvernig sem offisíal íslenska útgáfan hljómar af því hugtaki).
Hér er lítið um einhverja byltingarkennda hugmyndafræði eða nýstárlega nálgun að ræða. Mest er höfundurinn (eða fyrirlesarinn kannski) að þylja upp það sem ýmsir aðrir hafa sagt um hugtakið gegnum tíðina. Vangavelturnar bæta svo litlu sem engu við, sérstaklega ekki fyrir þá sem spenntir eru fyrir efninu og eru ef til vill komnir nokkrum skrefum af byrjunarreit í umræðum um hinar og þessar hliðar ,,hins”.
Þetta eru skúffuskrif, ég tala nú ekki um þegar miðað er við önnur verk í ritsafni Ryszards Kapuscinski.
*
