Það að hlusta á þessa frásögn í íslenska desembermyrkrinu var ekkert minna en magnað. Frásögnin af brotlendingu Geysis á Vatnajökli 1950 og örvæntingu áhafnarinnar um borð sem öll komst af, var þó talin af eftir nokkurra daga leit en náði síðan að gera vart við sig og við tók hamslaus gleði heillar þjóðar. Ekki svo oft sem maður herpist saman við voðaleg örlög og fær síðan gæsahúð þegar að úr leysist þegar að maður les eða hlustar á bækur. En það gerist í þessu tilviki.
Algjörlega ótrúleg saga. Hollívúdd bliknar í samanburði.
***
3 Ummæli
27 júlí 2009 klukkan 4:20 pm
Sæll,
fann ekki beint póstfang hjá þér en langaði að spyrja þig hvar besta úrvalið er af hljóðbókum (upplestri bóka). Eins og t.d. þessari bók?
Kveðja.
27 júlí 2009 klukkan 4:24 pm
Sæll Sverrir.
Allar íslenskar hljóðbækur sem ég hlusta á tek ég einfaldlega að láni á Borgarbókasafninu.
27 júlí 2009 klukkan 8:24 pm
Takk fyrir þetta,
og takk fyrir góða síðu